„მე-9 არხი“ მაუწყებლობას თბილისის მასშტაბით განახორციელებს. აღნიშნული ინფორმაცია სოციალურ ქსელ facebook- ში განთავსდა.

„მე-9 არხის“ მაუწყებლობის მიღება თბილისის მოსახლეობას უკვე შეუძლია ჩვეულებრივი სატელევიზიო ანტენის მეშვეობით“,- წერს იუზერი, რომელიც სოციალურ ქსელში „ქართული ოცნების“ სახელითაა დარეგისტრირებული.

იგივე განცხადების თანახმად, სხვა ტელევიზიებთან ერთად, კომპანია „სტერეო პლიუსმა“ კონტრაქტის საფუძველზე „მე-9 არხის“ სიგნალის გავრცელება დაიწყო.

„ინტერნეტ.ჯი“ ინფორმაციის გადასამოწმებლად "მე-9 არხის" გენერალურ დირექტორს დაუკავშირდა, თუმცა კახა ბექაურმა სააგენტოსთან აღნიშნულ თემაზე კომენტარი არ გააკეთა.

"სტერეო პლიუსის" ტექნიკურმა დირექტორმა, გიორგი ხვითარიშვილმა, "ინტერნეტ.ჯი"-სთან აღნიშნული ინფორმაცია დაადასტურა და განაცხადა, რომ სიგნალის გავრცელება გუშინ საღამოდან დაიწყო. რაც შეეხება დეტალებს, ხვითარიძის თქმით, ამაზე "მე-9 არხმა" უნდა ისაუბროს.

Internet.ge