„ოსრადიოს“ ცნობით, ცხინვალის დელეგაცია ე.წ. პარლამენტის თავმჯდომარის მოადგილის მირა ცხოვრებოვას ხელმძღვანელობით უნგრეთის ქალაქ იასბერენის მერს ტამაშ საბოს შეხვდა. შეხვედრაზე მომავალი ორმხრივი თანამშრომლობის შესახებ ისაუბრეს - იუწყება სააგენტო და დასძენს, რომ საბომ მზადყოფნა გამოთქვა ცხინვალსა და ქალაქ იასბერენს შორის კულტურული ურთიერთობების დამყარების თაობაზე.

მარიონეტული რეჟიმის წარმომადგენლებმა ინტერვიუები მისცეს უნგრულ საინფორმაციო საშუალებებს, რომლებიც „ოსრადიოს“ ცნობით, „ქართულ-ოსური კონფლიქტით“ და ცხინვალის მიერ „დამოუკიდებლობის მოპოვებით“ იყვნენ დაინტერესებულები.

როგორც ოსური სააგენტო წერს, ქალაქ იასბერენში არაერთხელ ყოფილან ჩასულები ჩრდილოეთ ოსეთის წარმომადგენლები, თუმცა ცხინვალის დელეგაციის ჩასვლით, მასპინძლებმა „ოსეთის სხვა ნაწილი - დამოუკიდებელი, აღიარებული სახელმწიფო სამხრეთ ოსეთი აღმოაჩინეს“.

„ოსრადიოს“ ცნობით, მარიონეტული რეჟიმის დელეგაცია უნგრეთში იასბერენის მერის მიწვევით იმყოფებოდა.

Internet.ge