არ გამოვრიცხავ ნინო ბურჯანაძეს მაღალი თანამდებობა შევთავაზო- ეს განცხადება ივანიშვილმა რუსთავში აქციის დასრულების შემდეგ გააკეთა.

ივანიშვილმა ნინო ბურჯანაძისა და მისი დღევანდელი შეხვედრის შეახებ ისაუბრა და აღნიშნა, რომ სამომავლოდ ბურჯანაძის პოლიტიკურ პარტიასთან თანამშრომლობას და არც მისი ლიდერისთვის მაღალი პოსტის შეთავაზებას არ გამორიცხავს.

„ამ ეტაპზე არანაირი მოლაპარაკებები ჩვენს შორის არ მიმდინარეობს, ეს იყო ჩემი პირველი შეხვედრა ნინო ბურჯანაძესთან, მანამდე ჩვენ გვქონდა შეხვეედრის მცდელობა, თუმცა ეს ვერ მოვახერხეთ,“-განაცხადა კოალიციის ლიდერმა.

შეკითხვაზე, რა პოზიცია ჰქონდათ მის კოალიციაში შემავალ სხვა პარტიებს, კერძოდ რესპუბლიკელებსა და თავისუფალ-დემოკრატებს, ივანიშვიმა უპასუხა, რომ ბურჯანაძესთან მისი შეხვედრის შესახებ ინფორმაცია კოალიციის ნაწილს ჰქონდა, ნაწილს კი - არა.

„ქართული ოცნების“ ლიდერს მიაჩნია, რომ არ არის აუცილებელი მისი ყველა შეხვედრის შესახებ კოალიცია სრულად იყოს ინფორმირებული.

Internet.ge