ასტროლოგი მიხეილ ცაგარელი ქვეყანაში პოლიტიკური ტემპერატურის მომატებას ვარაუდობს.

როგორც ასტროლოგმა „ინტერნეტ.ჯი“-ს განუცხადა, ყველაზე რთული პერიოდი რამდენიმე კვირაში დაიწყება და პიკს სექტემბრის შუა რიცხვებში მიაღწევს.

„ეს პერიოდი დაიწყება 15 აგვისტოდან და 15 სექტემბრამდე გასტანს. ამ პერიოდში იქნება ბრალდებები, დაჭერები და კონფლიქტები. მთავრობის მხრიდან არაპოპულარული გადაწყვეტილებებიც იქნება მიღებული. არის ალბათობა იმისა, რომ საქართველო სამხედრო კონფლიქტში იქნას ჩათრეული“, - ამბობს ასტროლოგი.

მისი თქმით, დაძაბული პოლიტიკური ვითარება იქნება არჩევნების შემდეგ პერიოდშიც.

„ 23 ოქტომბრიდან მზე გადადის ყველაზე აგრესიულ და საქართველოსთვის ყველაზე შფოთიან ნიშანში - მორიელში. 23 ოქტომბრიდან ნოემბრის ბოლომდე ჩვენ გვაქვს მზის და მთვარის ორი დაბნელება.  მორიელი ისედაც აგრესიული ნიშანია. ამიტომ ბევრი რამ იქნება არჩევნებზე დამოკიდებული, თუმცა დაძაბული ვითარება და მცირე დაპირისპირებები მაინც გარდაუვალია,“- აცხადებს „ინტერნეტ.ჯი“-სთან საუბრისას ასტროლოგი მიხეილ ცაგარელი.  

Internet.ge