ბიძინა ივანიშვილის ადვოკატი სანდრო ბარამიძე დღეს სააპელაციო სასამართლოში საქალაქო სასამართლოს გადაწყვეტილებას გაასაჩივრებს.

კოალიცია „ქართული ოცნების” ლიდერი ბიძინა ივანიშვილი უკანონო შემოწირულობების განხორციელებისთვის 20 243 827 ლარით დაჯარიმდა.

„საქალაქო სასამართლოს გადაწყვეტილების გასაჩივრებისთვის 48 საათი გვაქვს. დღეს მიღებული გადაწყვეტილებით, 20 243 827 ლარი ერთ კვირაში უნდა დაიფაროს“,- აღნიშნა „ინტერნეტ.ჯი“-სთან საუბრისას  ადვოკატმა.

შეგახსენებთ, ფინანსური მონიტორინგის სამსახურის ინფორმაციით, 2012 წლის განმავლობაში, გაცხადებული პოლიტიკური და საარჩევნო მიზნების მქონე პირებმა ბიძინა ივანიშვილმა და კახი კალაძემ კუთვნილი საბანკო ანგარიშებიდან, ნაღდი ფულის სახით, დანიშნულების მითითების გარეშე, სოლიდური თანხები გაიტანეს. დასახელებულ პერიოდში ბიძინა ივანიშვილმა გაანაღდა 5.552.135 ლარი, ხოლო კახი კალაძემ 3.388.992 ლარი.

რაც შეეხება კახი კალაძეს მას განაჩენი გუშინ გამოუტანეს. კოლიციის მაჟორიტარობის კანდიდატი თბილისის საქალაქო სასამართლომ  16 944 960  ლარით დაჯარიმა. ასევე დაყადაღდა მისი ქონებაც.

internet.ge