საშა ილუკევიჩის, ლონდონში მცხოვრები ბელორუსი ემიგრანტის  მუსიკალურმა ჯგუფმა The Highly Skilled Migrants  ჩაწერა სიმღერა "კოლია", რომელიც ბელორუსის პრეზიდენტის ალექსანდრე ლუკაშენკოს შვილს ეძღვნება.

სიმღერა იმ საშინელებას ასახავს, რასაც ჩვენ ამ ბიჭუნას დანახვისას განვიცდით, რომელიც ტოტალიტარული რეჟიმის ტახტის მემკვიდრედ იზრდება და ასევე, იმ აბსურდული პროპაგანდის აპარატის ხილვისას, რომელიც ამ ბავშვის ცხოვრებისეულ გზას აშუქებს – ნათქვამია მომღერლის ბლოგზე.

ის წერს, რომ მაშინ, როცა ჩრდილოეთ კორეაში დიქტატორის გვირგვინის მესამედ გადაცემა მოხდა, ეს სიმღერა ეძღვნება კოლიას, რომელიც როგორც ყველა დროის ტირანიის დინასტიების გამოხატულებას.

შეგახსენებთ, 7 წლის კოლია ალექსანდრე ლუკაშენკოს განუყრელი თანამგზავრია. ბავშვი არ დადის სკოლაში, მას პედაგოგები შინ აკითხავენ, სამაგიეროდ მამასთან ერთად მონაწილეობს ყველა სახელმწიფო ღონისძიებაში, დადის ვიზიტებზე, იბარებს აღლუმებს და საჩუქრებს იღებს სხვა სახელმწიფოს მეთაურებისგან. მაგალითად, დიმიტრი მედვედევის მიერ ნაჩუქარი ოქროს პისტოლეტი (ნამდვილი) კოლიას განუყრელი ატრიბუტია.

Internet.ge