„ქართული ოცნება“ მათი შემომწირველების ქონებაზე აუქციონის შეჩერებას ითხოვს. როგორც დღეს გამართულ ბრიფინგზე ბიძინა ივანიშვილის პრესსპიკერმა მაია ფანჯიკიძემ განაცხადა,  დაჯარიმებული 9 პირის ქონებაზე აუქციონი 3-4 სექტემბერსაა დაგეგმილი.  მათ შორის ბანკ “ქართუს“ თანამშრომლებიც არიან.

ფანჯიკიძის განცხადებით, აუქციონის შეჩერების მოთხოვნით კოალიცია უწყებათაშორის კომისიას მიმართავს.

„საქმე ეხება იმ 9 ადამიანის ქონებას, რომლებმაც ქართულ ოცნებას გარკვეული თანხები შემოწირეს. მოვუწოდებთ უწყებათაშორის კომისიას შეჩერდეს აუქციონი, ვინაიდიან მათი დააჯიმება კანონის დარღვევით მოხდა. დაჯარიმებული ადამიანიდან უნდა გამოვყოთ სამი პირი:  ნოდარ ჯავახიშვილი, ნატო ხაინდრავა და გოჩა ჩიკვილაძე, რომლებიც ‘’ბანკ ქართუს" თანამშროიმლები არიან. მათ მაღალი ხელფასები  ჰქოინდათ და შესაბამისად, შეეძლოთ კოალიციისთვის თანხის შემოწირვა“,- აღნიშნა მაია ფანჯიკიძემ.

პრესსპიკერის შეფასებით, აღნიშნული ადამიანების ქონების დაყადაღება და აუქციონზე გატანა პოლიტიკური ნიშნით მოხდა. კოლიაცია „ქართული ოცნება“ კი აღნიშნულ საქმეზე სამართალწარმოების განახლებას ითხოვს.

internet.ge