კრასნოიარსკში პოლიციის უფროსმა ლეიტენანტმა 5 წლის გოგონა გადაარჩინა, რომელიც იხრჩობოდა. როცა დარწმუნდა, რომ ბავშვს არაფერი ემუქრებოდა, ისე დატოვა შემთხვევის ადგილი, რომ არც მშობლების მადლობას დალოდებია და მომხდარის შესახებ არც ვინმესთვის მოუყოლია.

როგორც თვითმხილველები ამბობენ, აშოტ გრიგორიანი ისე იბრძოდა ბავშვის გადასარჩენად, თითქოს, ეს მისი საკუთარი შვილი იყო.

„აშოტმა ბავშვს ხელოვნური სუნთქვაც ჩაუტარა, თუმცა გოგონამ არ ამოისუნთქა. მაშინ გულის მასაჟი გაუკეთა და როცა იმედი აღარაფრის ჰქონდა, ბავშვმა სწორედ მაშინ ამოახველა და გაახილა თვალი“ - ყვებიან ისინი.

მას შემდეგ, რაც გოგონა გამოცოცხლდა, გრიგორიანმა ის ადგილზე გამოძახებულ ექიმებს დაუტოვა და თავად წავიდა, ისე, რომ არც კი დალოდებია, მისთვის მადლობა ეთქვათ.

მომხდარის შესახებ მას არსად მოუყოლია, რაიონული განყოფილების თანამშრომლებმა კი ეს ამბავი გოგონას მამისგან შეიტყვეს, რომელმაც განყოფილებაში მადლობის წერილი გაგზავნა.

თავად პოლიციელი თავს გმირად არ თვლის:

„არაფერი განსაკუთრებული არ მომხდარა, ასე მოიქცეოდა ნებისმიერი ადამიანი ჩემს ადგილზე,“ - განაცხადა მან.

Internet.ge