საქართველოს პრეზიდენტი ნატანებში პროგრამა „ღიმილიანი საქართველოს“
მიმდინარეობას გაეცნო. თბილისელი სტომატოლოგები ადგილობრივებს სრულ მომსახურებას
სთავაზობენ.
მიხეილ სააკაშვილი დღეს, კლინიკის ექიმებსა და პაციენტებს გაესაუბრა.
ქვეყნის პირველი პირის თქმით, აღნიშნული პროგრამის განხორციელება ძალიან
მნიშვნელოვანია.
პროგრამას - „ღიმილიანი საქართველო“ ჯანდაცვის სამინისტრო
ახორციელებს. 50 წელს გადაცილებული ადგილობრივი მოსახლეობა ყველა სახის
სტომატოლოგიურ მომსახურებას უფასოდ მიიღებს. მომსახურებაში შედის როგორც თერაპია,
ასევე ქირურგია და ორთოპედია.
სპეციალურად ამ პროგრამისთვის, თანამედროვე ტექნიკით აღჭურვილი ორი
ავტობუსი მოძრაობს, რომლებშიც ყველა სახის მაღალი ხარისხის მომსახურებაა
შესაძლებელი.
internet.ge
