საქართველოს კომუნიკაციების ეროვნულ კომისიაში დღეს გამართულ სხდომაზე შპს ტელეკომპანია „კავკასიამ“ თანამგზავრული სისტემების გამოყენებით მაუწყებლობის ლიცენზია მიიღო.

კომისიაში საჯარო ადმინისტრაციული წარმოება შპს ტელეკომპანია „კავკასიის“ მაუწყებლობის №B23 ლიცენზიის მოდიფიცირების მიზნით 2012 წლის 17 აგვისტოს დაიწყო.

“ტელეკომპანია „კავკასიის“ კუთვნილი მაუწყებლობის №B23 ლიცენზიის ტექნიკური პარამეტრების ისეთი ცვლილება განხორციელდა, რომლითაც კომპანია ზემოაღნიშნული ლიცენზიის ფარგლებში შემუშავებული სამაუწყებლო ბადის თანამგზავრული სისტემის მიწისზედა და ორბიტალური სადგურების მეშვეობით გავრცელებას შეძლებს”,- აცხადებენ კომისიაში.

internet.ge