ამერიკის შეერთებული შტატების ოფისზე თავდასხმასთან დაკავშირებით, გაერთიანებული ერების ორგანიზაციის ადამიანის უფლებათა დამცველმა განცხადება გაავრცელა. მან ორივე მხარეს სიმშვიდისაკენ მოუწოდა.

„ფილმი არის მუქარის გამომხატველი და განზრახ პროვოკაციული. ჩემთვის გასაგებია თუ რატომ აქვთ ადამიანებს პროტესტის გრძნობა ამ ფილმის მიმართ და ეს მათი უფლებაა. თუმცა, ეს უნდა გამოხატონ მშვიდობიანად“, – განაცხადა გაეროს უფლებათა დაცვის კომისარმა ნავი პილარიმ.

„მე ვგმობ განხორციელებულ მკვლელობებსა და ძალადობრივ რეაქციებს. უნდა აღსდგეს მშვიდობა და ამაზე პოლიტიკურმა ლიდერებმა უნდა იზრუნონ“, – დასძინა მან.

internet.ge