მთელი საქართველოს მასშტაბით, დღეიდან 2012-13 წლის სასწავლო პროცესი დაიწყო.

განათლებისა და მეცნიერების სამინისტროს ინფორმაციით,  სასწავლო სეზონი 2082 საჯარო სკოლაში დაიწყო.

ახალი სასწავლო წლისთვის სარეაბილიტაციო სამუშაო წელს 527 საჯარო სკოლაში განხორციელდა. იხსნება სკოლები კახეთში, სამეგრელოსა და გურიაში.

დღესვე, 140 ათასი მოსწავლე, პირველიდან მე-12 კლასის ჩათვლით, სახელმწიფოსაგან საჩუქრად სასკოლო სახელმძღვანელოებს მიიღებს.

სახელმძღვანელოები გადაეცემათ სოციალურად დაუცველი ოჯახების წევრებს (70001-ზე ნაკლები ქულით); იმ ოჯახების მოსწავლეებს, სადაც ერთდროულად სამი ან მეტი და-ძმა სწავლობს სკოლაში; 2008 წლის აგვისტოს ომში დაღუპული მეომრების შვილებს. სულ ამ სამი კატეგორიის მოსწავლეებზე მილიონამდე წიგნი გაიცემა.

ყველა საჯარო სკოლის პირველკლასელს სკოლაში დახვდება პრეზიდენტის საჩუქარი  ნეტ-ბუკი.

რაც შეეხება სასკოლო სახელმძღვანელოებს, წელს პირველად, სასკოლო სახელმძღვანელოები საქართველოს მასშტაბით 400 სკოლაში გაიყიდება.

სახელმძღვანელოს მაქსიმალური ფასი 10 ლარი იქნება. წიგნების შეძენის შესაძლებლობა მოსწავლეებს 10 სექტემბრიდან 8 ოქტომბრის ჩათვლით მიეცემათ.

მოსწავლეების მსგავსად სახელმწიფო უნივერსიტეტებმა სწავლა დღეს განაახლეს.

internet.ge