დააკმაყოფილა თუ არა პრემიერ-მინისტრმა ვანო მერაბიშვილმა, ხათუნა კალმახელიძის განცხადება, სასჯელაღსრულების, პრობაციისა და იურიდიული დახმარების საკითხთა მინისტრობის თანამდებობიდან გათავისუფლების შესახებ, უცნობია.

როგორც „ინტერნეტ.ჯი“-ს სამინისტროს პრესსამსახურში განუცხადეს, ჯერჯერობით აღნიშნულ საკითხზე ინფორმაცია ცნობილი არ არის. ასევე, უცნობია თუ როდის უნდა მოხდეს განცხადების შეტანის შემდგომ პროცედურულად საკითხის განხილვა.

შეგახსენებთ, რომ ტელეკომპანიების მიერ გავრცელებულ, პატიმრების წამების ამსახველი ვიდეო ჩანაწერების შემდგომ, ხათუნა კალმახელიძემ თანამდებობიდან გათავისუფლების მოთხოვნით პრემიერ-მინისტრს მიმართა.

internet.ge