ფილარმონიასთან, სტუდენტების საპროტესტო აქცია დღეს, 17:00 საათზე განახლდება.

აქციის მონაწილეები, ყოფილი შინაგან საქმეთა მინისტრის, ბაჩო ახალაიას სისხლის სამართლის პასუხისგებაში მიცემას ითხოვენ.  ასევე, მოითხოვენ, პატიმრების ციხეებში წამების ფაქტებზე, ობიექტური გამოძიება ჩატარდეს.

“საზოგადოებასთან ერთად მივიღებთ გადაწყვეტილებას, საით წავიდეთ მსვლელობით, სასამართლოსკენ, შინაგან საქმეთა სამინისტროსკენ, თუ დროებითი მოთავსების იზოლატორებთან”,- განაცხადა აქციის ერთ-ერთმა ორგანიზატორმა ლევან ჩიტაძემ.

ტელევიზიებით გასული ვიდეომასალის შემდეგ, სადაც პატიმართა წამებაა ასახული, სტუდენტები აქციებს მართავენ. ისინი აცხადებენ, რომ დაშლას იქამდე არ აპირებენ, სანამ მათი მოთხოვნები არ შესრულდება.

Internet.ge