კოალიციის ერთ-ერთი ლიდერი სოზარ სუბარი ჟურნალისტებმა ტყუილში გამოიჭირეს. საგანგებო ბრიფინგზე სუბარი ამტკიცებდა, რომ „ქართული ოცნებას“  კონსტიტუციური უსაფრთხოების თანამშრომელი შემოუერთდა. რომელსაც კუდი ფარული ჩანაწერების გაკეთებას ავალებდა.

თუმცა ამის დამტკიცება, ბრიფინგში მონაწილეებმა ვეღარ შეძლეს, რამაც სუბარისა და ლევან მინაშვილის დაბნევა გამოიწვია.

აღელვებულმა მინაშვილმა განაცხადა, რომ „ქართული ოცნების“ მხარადამჭერების ფარულ ჩაწერას არა კონსტიტუციური უსაფრთხოების თანამშრომლები, არამედ ვინმე შოთა სთხოვდა, რომლის გვარი მინაშვილმა ვერ გაიხსენა.

„დღეს უკვე კუდის თანამშრომელები, ფარული აგენტები მეორედ მოვიდნენ ჩვენთან, რომლებსაც მოაქვთ მთელი ის მოწყობილობა, რომლითაც მათ უნდა ჩაეწერათ ჩვენი თანამშრომლები“,- განაცხადა სუბარმა.

თუმცა ტრიბუნასთან გამოძახებულმა ლევან მინაშვილმა სუბარის განცხადება უარყო და განაცხადა, რომ ის კუდის თანამშრომელი არ იყო. ბრიფინგზე მიყვანილმა პიროვნებამ მისი პროფესიაც ვერ გაიხსენა და მიხეილ სააკაშვილის ლანძღვა დაიწყო.

ჟურნალისტების მოთხოვნის მიუხედავად „ქართული ოცნების“ ერთ-ერთმა ლიდერმა წარმოდგენილი აპარატურის ჟურნალისტებისთვის ჩვენება არ ისურვა და განაცხადა, რომ ჩანაწერები იშიფრება.

სუბარის ამ ნათქვამსაც შეეწინააღმდეგა მინაშვილი და განაცხადა, რომ ამ ფირის გახსნა მხოლოდ შოთას შეეძლო.

„არა ჩემო კარგო, რომელი კუდის თანამშრომელი, მე ვარ დატერორებული ამ ხელისუფლებისგან. შეეშალა ბატონ სოზარს. დაშინებით მაიძულებდნენ ფარულად გადაღებას, ზუსტად ვინ მაშინებდა და იყო თუ არა ის კუდის თანამშრომელი  არ ვიცი“,- აღნიშნა მინაშვილმა.

რის შემდეგაც სუბარმა საგანგებოდ მიყვანილი პიროვნება ოფისიდან გაიყვანა.

Internet.ge