თავდაცვის სამინისტროს ინფორმაციით, საქართველოს შეიარაღებული ძალების სამხედრო მოსამსახურეები საქართველოს საპარლამენტო არჩევნებში მონაწილეობას იღებენ. ქართველ ჯარისკაცებს საშუალება აქვთ მოქალაქეობრივი ვალი მოიხადონ. ისინი საკუთარ არჩევანს დისლოკაციის ადგილის მიხედვით მოწყობილ საარჩევნო უბნებში აკეთებენ.

სამინისტროს ინფორმაციით, სამხედრო ბაზებზე ხმის მიცემის პროცესი უსაფრთხო და მშვიდ გარემოში, დადგენილი ნორმებით მიმდინარეობს. საარჩევნო უბანი ყველა ქართულ ბაზაზე 00:08 საათზე გაიხსნა. 

საქართველოს საპარლამენტო არჩევნების ჩატარებას სამხედრო ბაზებზე მოწყობილ საარჩევნო უბნებში, ცენტრალური საარჩევნო კომისიის წევრების გარდა, სხვადასხვა პოლიტიკური პარტიის და არასამთავრობო ორგანიზაციის წევრები აკვირდებიან. 

internet.ge