„ერთიანი ნაციონალური მოძრაობის“ პრესსპიკერის, ჩიორა თაქთაქიშვილის განცხადებით, პირველი ეგზიტპოლის შედეგები ცნობილი ხდება.

მისი ინფორმაციით, 17:30 საათის მონაცემებით, თბილისში „ნაციონალური მოძრაობისა“ და „ქართული ოცნების“ შედეგები თანაბარია. რაც შეეხება  რეგიონებში მდგომარეობას, „ნაციონალურ მოძრაობას" უპირატესობა აქვს.

„მაღალია რიცხვი იმ ადამიანებისა, რომლებმაც უარი თქვეს არჩევანის გაკეთებაზე, 32% მაღალი რიცხვია საკმაოდ. მნიშვნელოვანია დაველოდოთ შემდგომ შედეგებს“,- განაცხადა თაქთაქიშვილმა.

პრესსპიკერის ინფორმაციით, „ნაციონალურმა მოძრაობამ“ ოლქების დიდ უმრავლესობაში, დამაჯერებელ გამარჯვებას მიაღწია. „პროპორციული და მაჟორიტარული სისტემების ერთობლიობით „ნაციონალურ მოძრაობას" მყარი უმრავლესობა ექნება ახალ პარლამენტში“,- დასძინა თაქთაქიშვილმა.

internet.ge