Reuters-ის თეირანის განყოფილების ხელმძღვანელს პარის ხაფეზის, რომელმაც რამდენიმე ხნის წინ დაწერა სტატია „ათასობით ქალი-ნინძა ვარჯიშობს, რათა ირანელი დაქირავებული მკვლელი გახდეს“, სასამართლოში თავად ამ ისტორიის გმირმა ქალებმა უჩივლეს.

შედეგად, სასამართლოს კოლეგიამ დღეს ჟურნალისტი საზოგადოებრივი აზრის მანიპულაციასა და ისლამის შეურაცხყოფაში დამნაშავედ სცნო.

გამოქვეყნებულმა სტატიამ პროტესტი გამოქვეყნებიდან რამდენიმე საათშივე გამოიწვია, ამის შემდეგ სააგენტომ მას სათაური შეუცვალა. „ირანში ვარჯიშობს 3 ათასი ქალი-ნინძა“, დაარქვეს პუბლიკაციას, თუმცა ირანის კულტურის სამინისტრომ ზომები მაინც მიიღო და Reuters-ის 11 თანამშრომელს აკრედიტაცია ჩამოართვა.

ცნობილია, რომ საინფორმაციო სააგენტომ აღიარა თავისი შეცდომა, ჩაატარა შიდა გამოძიება და მიიღო ზომები, რომ მომავალში მსგავსი რამ აღარ მოხდეს.