აშშ-ის ხელისუფლებას მოუწოდებენ საჯარო გახადოს მტკიცებულებები, რომლითაც ჩინეთში სინდისის პატიმრებისათვის ორგანოების ამოცლა დასტურდება და რის შესახებაც, ამერიკელები, სავარაუდოდ, საქმის კურსში არიან.

ჩინეთის ციხეებში ორგანოების ამოკვეთის შესახებ ინფორმაციის მოსმენა უკვე  შედგა ამერიკის კონგრესშიც და ევროპარლამენტშიც. დამოუკიდებელი მკვლევარების მონაცემებით, ორგანოების გამო 60 ათასი ადამიანი იქნა მოკლული.
ამის შესახებ ჩინეთის სახალხო რესპუბლიკაში ადამიანის უფლებების დარღვევების შესახებ ექსპერტთა შეხვედრისას ითქვა.

მასში მონაწილეობდა დემოკრატიული აქტივისტი ვან დინი, რომელიც
ახლა ტაივანში ცხოვრობს და ამბობს, რომ ქვეყნის კომუნისტური პარტიის ორ კლანს შორის წარმოქმნილი წინააღმდეგობა სწორედ ის მომენტია, როცა აშშ-მა ჩინეთის ციხეებში ორგანოების ამოკვეთის თემა უნდა გააჟღეროს.

უფლებადამცველების ინფორმაციით, ბოლო 10 წლის მანძილზე ჩინეთში მასობრივად აცლიან ორგანოებს ფალუნგუნის მიმდევრებს. ამ „სულიერი პრაქტიკის“ მიმდევრებს, ხალხში მისი პოპულარობის გამო, ჩინეთის ხელისუფლება 1999 წლიდან დევნის. შედეგად, ასობით ათასი ადამიანი ციხეებში მოხვდა.

ამაში მთავარ დამნაშავეებად რამდენიმე ჩინელი ჩინოვნიკი ითვლება, რომელთა შორისაა ვან ლიცზუნი და ბო სილაია - ცოტა ხნის წინანდელი პარტიული სკანდალის გმირი. პირველ მათგანს უკვე მიუსაჯეს სასჯელი, მეორე კი ჯერაც განაჩენის მოლოდინშია.

ოფიციალურ ბრალდებებს შორის, რომლებიც მათ წაუყენეს, აქცენტი კორუფციაზე იყო გაკეთებული, ხოლო ისეთი დანაშაულის შესახებ, როგორიც ორგანოებს შეეხება, არაფერი თქმულა.

აქტივისტები თვლიან, რომ აშშ-სთვის ორგანოების საქმის შესახებ მას შემდეგ გახდა ცნობილი, რაც ჩინელმა პოლიციელმა ვან ლიცზუნმა ამერიკის საკონსულოში შეაღწია და თავისი ხელმძღვანელის - ბო სილაიას დანაშაულების შესახებ დოკუმენტები წარუდგინა.

internet.ge