ამ წუთებში თაბუკაშვილის ქუჩაზე, პოლიციის შენობასთან მწერალ ზაზა ბურჭულაძის მხარდამჭერები არიან შეკრებილნი. ისინი ბურჭულაძეს
სოლიდარობას უცხადებენ.
ორგანიზატორთა განცხადებით, აქცია ძალადობისა და სიტყვის თავისუფლების შეზღუდვის წინააღმდეგ არის მიმართული.
შეგახსენებთ, მწერალ ზაზა ბურჭულაძეს რუსთაველის გამზირზე ფიზიკურად გაუსწორდნენ. მას დაუდგენელი პირი დაესხა თავს და სასტიკად სცემა.
ზაზა ბურჭულაძემ ცემის შედეგად ტვინის შერყევა მიიღო.
ფიზიკური ანგარიშსწორების მიზეზად, მწერლის მხრიდან, გაზეთ "ასავალ-დასავალში" გამოქვეყნებული გლდანის ციხის თანამშრომელთა სიებისა და მისამართების კრიტიკა სახელდება. ამ საკითხზე ბურჭულაძე გადაცემა "პოლიტმეტრში" "ასავალ-დასავალის" ჟურნალისტს - ზაზა დავითაიას დაუპირისპირდა.
internet.ge
