ზ. წერეთლის თანამედროვე ხელოვნების მუზეუმში საპატიო თბილისელების დაჯილდოების ცერემონიალი გაიმართა.

თბილისისთვის გაწეული ღვაწლისა და განსაკუთრებული დამსახურებისთვის 6 მოქალაქე დაჯილდოვდა, რომლებსაც თბილისის მერმა საპატიო სიგელები და თბილისის სიმბოლური გასაღებები პირადად გადასცა.

”საპატიო თბილისელის” წოდება მიენიჭა ცნობილ კომენტატორს, ღირსების ორდენის კავალერს, სპორტული რადიო "ჯაკოს" დამფუძნებელსა და გენერალურ დირექტორ ჯამლეტ ხუხაშვილს; ასევე საზოგადო მოღვაწეს, ეროვნულ და სოციალურ ურთიერთობათა აკადემიის აკადემიკოსს ბიძინა მურღულიას; საოპერო ვარსკვლავს, დრამატულ სოპრანოს, შოთა რუსთაველისა და ზაქარია ფალიაშვილის პრემიების ლაურიატს ცისანა ტატიშვილს; ექიმი-ონკოლოგს, რუსეთის მედიცინის აკადემიიის წევრს, ბლოხინის სახელობის ონკოლოგიის სამეცნიერო ცენტრის ხელმძღვანელს მიხეილ დავიდოვს. ცნობილ კომპოზიტორ კახა ცაბაძეს და მრავალფუნქციური საცხოვრებელი კომპლექსის, ”დირსის” ინვესტორს, შახინ პრიფ ოღლი მოვსუმოვს.

პარალელურად, თანამედროვე ხელოვნების მუზეუმში საქართველოს ეროვნული საგანძურის ექსპონატების სამგზანზომილებიანი ფოტო გამოფენა და გამოფენა "სამკაული და ისტორია" მოეწყო, რომლის ნახვაც დამთვალიერებლებს 3 კვირის განმავლობაში შეეძლებათ.

Internet.ge