თბილისის მერიის იურიდიული სამსახურის უფროსის, ირაკლი აბესაძის განცხადებით, უსაფრთხების საქალაქო სამსახური, მერიის საკუთრებაში არსებული ობიექტების, მათ შორის ბარების, სკვერების დაცვას უზურუნველყოფს, თუმცა მათ თანამშრომლებს იარაღის ტარების უფლება არ ექნებათ.

როგორც ჟურნალისტებთან საუბრისას აბესაძემ განაცხადა, აღნიშნული სამსახურით, მერიას საშუალება ეძლევა უკეთესად განახორციელოს ობიქტების დაცვა და დაზოგოს თანხები.

მისი თქმით, მას შემდეგ რაც აღნიშნული სამსახური შეიქმნება, უნდა მიმართონ საკრებულოს და მოითხოვონ თბილისის მერიის სისტემაში ასახვა.

შეგახსენებთ, რომ დედაქალაქის მერიამ უსაფრთხოების საქალაქო სამსახური შექმნა,  რომლის დებულების დამტკიცების შესახებ ინფორმაცია “საკანონმდებლო მაცნეში“ გამოქვეყნდა.

დებულების მიხედვით, სამსახური თავისი კომპეტენციის ფარგლებში ახორციელებს შემდეგ ფუნქციებს: თბილისში არსებული ბაღების, პარკების და სკვერების, თბილისის მერიის და საკრებულოს ადმინისტრაციული შენობების უსაფრთხოების უზრუნველყოფას და ამ ობიექტებში არსებული ქონების დაცვას, საჭიროების შემთხვევაში მერიის, საკრებულოს თავმჯდომარისა და სხვა თანამდებობის პირების პირადი უსაფრთხოების დაცვას, დასაცავ ობიექტებზე უსაფრთხოების კუთხით არსებული ვითარების შესახებ ინფორმაციის წარდგენას და სხვა ფუნქციები.

internet.ge