საქართველოს სახალხო დამცველის თამამდებობაზე რამდენიმე კანდიდატურა განიხილება.

არსებული ინფორმაციით, ომბუდსმენის თანამდებობაზე „ახალგაზრდა იურისტთა ასოცოაციის“ თავმჯდომარის თამარ ჩუგოშვილის კანდიდატურას არასამთავრობოების დიდი ნაწილი უჭერს მხარს.

ჩუგოშვილის კანდიდატურას დღეს საღამოს 5 არასამთავრობო ორგანიზაცია „კონსტიტუციის 42- ე მუხლი - საერთაშორისო გამჭვირვალობა“, სამართლიანი არჩევნები“, „საზოგადოებრივი დამცველი“ , „ახალგაზრდები სამართლიანობისთვის“ და  „არჩევნებისა და პოლიტტექნოლოგიების კვლევითი ცენტრი“- ის წარმომადგენლები წარადგენენ.

„მირჩევნია შევიკრიბოთ და ერთად ჩამოვყალიბდეთ ამ საკითხთან დაკავშირებით“,- განაცხადა ჩუგოშვილმა. 

რაც შეეხება „ახალგაზრდა ადვოკატებს“, ორგანიზაციის წევრებმა სახალხო დამცველის პოსტზე უფლებათა დამცველი ლია მუხაშავრია წარადგინეს.

მუხაშავრიას თქმით, ის მზად არის ომბუდსმენის თანამდებობა დაიკავოს თუ ამის შემოთავაზება ოფიციალურად იქნება.

„ეს ყველაფერი არაოფიციალურია, ოფიციალური წარდგენა ხდება პარლამენტში. ამ საკითხს წყვეტს უმრავლესობა“,- განმარტა უფლებადამცველმა.

სახალხო დამცველის საკითხი განიხილეს კოალიცია „ქართულ ოცნებაშიც“. სოზარ სუბარის განცხადებით, ამ თანამდებობაზე ‘’ქართულ ოცნებას" სამი კანდიდატი: უჩა ნანუაშვილი, გელა ნიკოლაიშვილი და  თამარ გურჩიანი ყავს.

internet.ge