საქართველოს პრემიერ-მინისტრობის კანდიდატმა ბიძინა იავანიშვილმა გივი შაჰნაზარის შემოქმედებითი საღამოს დასრულების შემდეგ ჟურნალისტებთან ბათუმში აზიზიეს მეჩეთის მშენებლობის შესახებ განმარტება გააკეთა.

როგორც ივანიშვილმა აღნიშნა,  საქართველოში არასოდეს ყოფილა პრობლემა მეჩეთის აშენებასთან დაკავშირებით და აზიზიეს მეჩეთი ბათუმში დაგეგმილ ადგილას აშენდება.

„მეჩეთის თემა ხელისუფლებისგან ინსპირირებული იყო. არასოდეს ყოფილა პრობლემა საქართველოს ტერიტორიაზე მსგავსი მეჩეთების მშენებლობაზე“,- განაცხადა ივანიშვილმა.

კოალიცია "ქართული ოცნების" ლიდერი ბიძინა ივანიშვილი დღეს "ქორთიარდ მარიოტში" მწერლისა და მთარგმნელის გივი შაჰნაზარის შემოქმედებით საღამოს დაესწრო.

მისი თქმით, მსგავსი ღონისძიებები ქართველებისა და სომხების კიდევ უფრო დაახლოებას შეუწყობს ხელს.

ბიძინა ივანიშვილთან ერთად, საღამოს კულტურის მინისტრობის კანდიდატი გურამ ოდიშარიაც ესწრებოდა.

Internet.ge