ლიანგ სია სიაო დაბადებისას სულ ერთ კილოგრამს იწონიდა და მსოფლიოში მეოთხე ბავშვია, რომელიც ასეთი კრიტიკული მასის მიუხედავად ცოცხალი გადარჩა.

ბავშვი 6 თვის მანძილზე საავადმყოფოში, ინტენსიური თერაპიის პალატაში ჰყავდათ.

ახლა კი უკვე სამი წლისაა და თავს კარგადაც გრძნობს, მიუხედავად იმისა, რომ ისევ ძალიან პატარაა - 2,5 კილოგრამს იწონის და სიმაღლეშიც 54 სანტიმეტრია.
უცნაური კი ის არის, ლიანგი ლილიპუტი არაა და მისი სხეული აბსოლუტურად პროპორციულია.

ბევრი მიიჩნევს, რომ ის იშვიათი გენეტიკური მუტაციის მსხვერპლია, თუმცა ზუსტი მიზეზი არავინ იცის. ექიმები არც იმაში არიან დარწმუნებულები, კიდევ გაიზრდება თუ არა გოგონა და საერთოდაც, რამდენ ხანს იცოცხლებს.

თუმცა ლიანგი სულაც არ არის ყველაზე პატარა ადამიანი მსოფლიოში. გინესის წიგნში არიან რეკორდსმენები, რომლებიც პატარა ტანის მიუხედავად, თავისი ოპტიმიზმით აოცებენ ადამიანებს.

Internet.ge