„ქრისტიან-დემოკრატები“ ხელისუფლებას მოუწოდებენ, უწმინდესის ილია მეორის მიერ ეპისტოლეში წარმოჩენილ პრობლემებს სერიოზულად შეხედოს.

დღეს გამართულ პრესკონფერენციაზე გიორგი თარგამაძემ, უწმინდესის მიერ წარმოჩენილ საკითხებზე გაამხვილა ყურადღება და განაცხადა, რომ ქვეყანაში მიმდინარე პროცესებთან დაკავშირებით უწმინდესის მიერ გაცემული რეკომენდაციები კანონის ლიბერალიზაციას უკავშირდება.

თარგამაძის თქმით, ეპისტოლეში წარმოჩენილი საკითხები მნიშვნელოვანია არა მხოლოდ მართლმადიდებლებისთვის, არამედ ყველა კონფენსიის წარმომადგენლებისთვის, რადგან უწმინდესი ქვეყნის აღმშენმებლობაზე და იმ საკითხებზე საუბრობს, რაც ქვეყანში პრობლემას წარმოადგენს.

თარგამაძის განცხადებით, უწმინდესი ქვეყნის თვითმყოფადობის შენარჩუნებაზე დარდობს, რის გამოც შექმნილი ვითარებიდან საზოგადოებას გამოსავალს სთავაზობს.  

თარგამაძემ განსაკუთრებული ყურადღება, ზნეობრივ საკითხებზე გაამახვილა და განაცხადა, რომ საქართველომ ეროვნული თვითმყოფადობა და ტრადიციები უნდა შეინარჩუნოს და თავისუფლება ზენობრივ საკითხებთან კონფლიქტში არ უნდა მოვიდეს.  

ეროვნული თვითმყოფადობის შენარჩუნებასთან დაკავშირებით თარგამაძის თქმით, მისი გუნდი საკანონმდებლო ცვლილებას უახლოეს მომავალში წარადგენს, სადაც ის საკითხები იქნება გათვალისწინებული, რომელიც ეროვნული ღირებულებების შენარჩუნებას ემსახურება.

Internet.ge