პრემიერ-მინისტრობის კანდიდატი ბიძინა ივანიშვილი დღეს, პარლამენტის პლენარულ სხდომაზე მოხსენებით გამოვა.

როგორც მან ჟურნალისტებს განუცხადა, კითხვა-პასუხის რეჟიმი არ იქნება.

ცნობისთვის, დღეს პარლამენტის სესიაზე მინისტრთა კაბინეტის საკითხის განხილვა იგეგმება.

მთავრობის ახალ შემადგენლობას პარლამენტი კენჭს 12:00 საათზე, პლენარულ სხდომაზე უყრის.

შეგახსენებთ, რომ პრეზიდენტმა პარლამენტს მთავრობის ახალი შემადგენლობა უკვე წარუდგინა. პარლამენტის პლენარულ სხდომაზე მთავრობისთვის ნდობის გამოცხადების გარდა, შესაძლოა სახალხო დამცველიც აირჩიონ.

Internet.ge