დღეს, საქართველოს რეგიონული განვითარებისა და ინფრასტრუქტურის მინისტრი დავით ნარმანია, მსოფლიო ბანკის რეგიონული დირექტორის მოვალეობის შემსრულებელს სამხრეთ კავკასიაში - ელენე იმნაძესა და მდგრადი განვითარების პროგრამების კოორდინატორს სამხრეთ კავკასიაში აჰმედ აივეიდას შეხვდება.

სამინისტროს ინფორმაციით, შეხვედრა გაცნობითი ხასიათის იქნება. აჰმედ აივეიდა რეგიონული განვითარებისა და ინფრასტრუქტურის ახალ მინისტრს იმ პროექტებს წარუდგენს, რომელსაც მსოფლიო ბანკი სამინისტროსთან ერთად ახორციელებს.  

შეგახსენებთ, რომ საქართველოს რეგიონული განვითარებისა და ინფრასტრუქტურის სამინისტრო მსოფლიო ბანკის მხარდაჭერით არაერთ ინფრასტრუქტურულ პროექტს ახორციელებს. მათ შორის კახეთისა და იმერეთის რეგიონული განვითარების პროექტებს, საგაზო ინფრასტრუქტურის მშენებლობა-რეაბილიტაციის პროექტებს საქართველოს სხვადასხვა რეგიონებში და ა.შ. შეხვედრაზე ყურადღება სწორედ აღნიშნულ პროექტებზე გამახვილდება.

internet.ge