საპარლამენტო უმცირესობის წევრმა აკაკი ბობოხიძე დღეს, „ნაციონალური მოძრაობიდან“ დეპუტატ გიორგი გოზალიშვილის წასვლის შესახებ კომენტარი გააკეთა.

როგორც „ინტერნეტ.ჯი“-ს ბობოხიძემ განუცხადა, მისთვის გაუგებარია გოზალიშვილის იმ ჯგუფში გადასვლა, რომლიც მისთვის რამდენიმე დღის წინ მიუღებელი იყო.

„მისი გადაწყვეტილების შეფასებისგან ჯერჯერობით თავს შევიკავებდი, რადგან ჩემთვის გასაგებია როცა ადამიანი ერთი ფრაქციიდან გადის, მაგრამ აბსოლიტურად გუგებარია, როცა გადადის იმ ჯგუფთან, რომელიც მისთვის რამდენიმე დღის წინ მიუღებელი  და საშინელება იყო. ასეთი ნაბიჯები ადამიანებზე კარგად არ მეტყველებს.  არ ვიცი, ის ფრაქცია და გოზალიშვილი,  მომავალში რა ქმედებებს განახორციელებენ. წასვლის გადაწყვეტილება მათი უფლებაა, თუმცა დრო დაგვანახებს, რამ განაპირობა მათი დღევანდელი ნაბიჯი“,- განაცხადა ბობოხიძემ.

შეგახსენებთ, რომ პარლამენტში „ნაციონალების“ სიით მოხვედრილი დეპუტატი გიორგი გოზალიშვილი საპარლამენტო უმცირესობის რიგებს ტოვებს. გოზალიშვილმა ფრაქციის დატოვების განცხადებით, პარლამენტის საორგანიზაციო დეპარტამენტს უკვე მიმართა, სადაც აღნიშნულია, რომ მას სურვილი აქვს „უპარტიო დამოუკიდებელ მაჟორიტარებში“ გაწევრიანდეს.

Internet.ge