მთავრობის კანცელარიაში პრემიერ-მინისტრის რანგში ბიძინა ივანიშვილის პირველი შეხვედრა სხვადასხვა უწყების წარმომადგენლებთან გუშინ, გვიანობამდე გაგრძელდა. მოლაპარაკებების მთავარი თემა სამინისტროების საკადრო საკითხები იყო.
მთავრობის წევრებმა 2013 წლის ბიუჯეტის საკითხზე, სამინისტროების დაფინანსებასა და მომავალ გეგმებზე ისაუბრეს. განიხილეს თავისუფალი კონკურენციის სააგენტოს შექმნისა და საპარტნიორო ფონდის საკითხიც.
მთავრობის კანცელარიაში მომდევნო სამუშაო შეხვედრა ხვალ გაიმართება. როგორც ფინანსთა მინისტრი ნოდარ ხადური აცხადებს, გადაიხედება მიმდინარე წლის ბიუჯეტი და მასში აღმოჩენილი ყველა ხარვეზი იქნება შესწავლილი.
საგარეო საქმეთა მინისტრ მაია ფანჯიკიძის განცხადებით კი, მთავრობის სხდომაზე ერთ- ერთი მნიშვნელოვანი საკითხი ევროკავშირთან დაგეგმილი მოლაპარაკებები იქნება.
internet.ge
