სასჯელაღსრულების, პრობაციისა და იურიდიული დახმარების საკითხთა სამინისტროს ინიციატივით გრძელდება პატიმართა ეტაპირების პროცესი.

როგორც სამინისტროს მიერ გამოქვეყნებულ განცხადებაშია აღნიშნული, თბილისის #8 პატიმრობისა და დახურული ტიპის თავისუფლების აღკვეთის დაწესებულებიდან, 100 მსჯავრდებული გადაიყვანეს ქსნის #15 ნახევრად ღია და დახურული ტიპის დაწესებულებაში.

„ეტაპირების პროცესი მიზნად ისახავს ერთის მხრივ #8 სასჯელაღსრულების დაწესებულების განტვირთვას, მეორე მხრივ იმ მსჯავრდებულთა  გადაყვანას შედარებით მსუბუქი რეჟიმის პირობებში, რომლებიც არ უნდა იმყოფებოდნენ მკაცრი რეჟიმის ინსტიტუციებში“,- ნათქვამია განცხადებაში.

Internet.ge