“ნაციონალური მოძრაობის” წევრი ჩიორა თაქთაქიშვილი, ნიგვზიანში მომხდარ დაპირისპირებაში, ვიცე-სპიკერს მურმან დუმბაძეს ადანაშაულებს.

როგორც თაქთაქიშვილმა განაცხადა, დუმბაძის განცხადებები, შეიძლებოდა დაპირისპირებისთვის ტონის მიმცემი ყოფილიყო.

“საქართველო არის ქვეყანა, სადაც თავს იყრიან სხვადასხვა წარმოშობის და რელიგიური მრწამსის მქონე მოქალქეები და ნებისმიერი ასეთი სახის დაპირისპირება არის დაუშვებელი. თითოეული პოლიტიკური პარტიის ამოცანაა, მივიღოთ ზომები იმისთვის, რომ ადგილი არ ჰქონდეს დაპირისპირებას. ჩვენ მოვისმინეთ მურმან დუმბაძის განცხადება, რომელიც არის აღმაშფოთებელი და ვფქირობთ სწორედ ეს გახდა და შეიძლებოდა გამხადრიყო ტონის მიმცემი იმ დაპირისპირებისთვის, რომლიც ნიგვზიანში ხდება”,- განაცხადა თაქთაქიშვილმა.

ლანჩხუთის რაიონის სოფელ ნიგვზიანში განვითარებულ მოვლენებთან დაკავშირებით საქართველოს პრეზიდენტმა მიხეილ სააკაშვილმაც გააკეთა განცხადება. პრეზიდენტმა მთავრობის წარმომადგენლებს მოუწოდა ადგილზე ჩავიდნენ და სიტუაციის ბოლომდე განსამუხტავად ყველაფერი გააკეთონ.

Internet.ge