ქუთაისში სასტუმრო " ბაგრატი" აშენდება, რომელიც ექსპლოატაციაში 2013 წლის ბოლოს შევა. ახალ სასტუმროს მშენებლობას მხარის გუბერნატორმა ლაშა მაქაცარიამ ჩაუყარა საფძველი.

6 სართულიანი, მრავალპროფილიანი სასტუმრო 1, 2 და 3 ადგილიანი ნომრებით დაკომპლექტდება. სასტუმროს ექნება საკონფერენციო დარბაზი, ქალთა და მამაკაცთა სპა-დარბაზი, ფიტნეს და გასართობი ცენტრები და მასაჟის კაბინეტი.

ახალი სასტუმროს მშენებლობას კომპანია „ბაგრატი 1003" აწარმოებს. პროექტზე 1 მილიონ 800 ათასი ლარის ინვესტიცია განხორციელდება.

სასტუმროს მშენებლობაში ადგილობრივი კადრები დასაქმდებიან.

„ბაგრატი 1003" ქუთისში უკვე ცნობილი ბრენდია. ამ ჯგუფის მიერ პირველი სასტუმრო 4 წლის წინ აშენდა.

Internet.ge