საუდის არაბეთის ხელისუფლებამ ოფიციალურად დაადასტურა, რომ მზად არის მიიღოს თავის ტერიტორიაზე ტერორისტ უსამა ბინ ლადენის ცოლები და შვილები, - იუწყება „რია ნოვოსტი“, საუდის არაბეთის სააგენტო SPA-ზე დაყრდნობით.
ალ ქაედას ყოფილი ლიდერის 3 ცოლი და შვილები პაკისტანიდან უკვე დეპორტირებულები არიან.

„საუდის არაბეთის სამეფომ ბენ ლადენის ოჯახი ჰუმანური მოსაზრებებიდან გამომდინარე მიიღო, მით უმეტეს, რომ რაიმე დანაშაულში მათი მონაწილეობის შესახებ მონაცემები არ არსებობს“ - იუწყება სააგენტო SPA.

ბენ ლადენის ცოლ-შვილი საუდის არაბეთში მოკლული ტერორისტის ნათესავის თხოვნით მიიღეს. როგორც „ლენტა რუ“ წერს, ჯიდუში, რომელიც ბენ ლადენის „მრავალრიცხოვანი კლანის“ საცხოვრებელ ადგილად ითვლება, ტერორისტის ოჯახი კერძო თვითმფრინავით ჩაფრინდა.

ალ ქაედას ექს-ლიდერის ოჯახი, სამეფოში ერთ-ერთ გავლენიან და მდიდარ ოჯახად ითვლება და ჰოლდინგ „საუდი ბელ ლადენ გრუპს“-ს ქვეყნის ეკონომიკის სხვადასხვა სფეროების მნიშვნელოვანი წილი ეკუთვნის.

internet.ge