სააგენტო „როიტერის“ ცნობით, ჩეხეთის პრეზიდენტმა - ვაცლავ კლაუსმა, უარი თქვა იალტაში დაგეგმილ ცენტრალური ევროპის სახელმწიფოთა მეთაურების სამიტში მონაწილეობაზე, რომელიც 11-12 მაისსაა დაგეგმილი.

მანამდე ანალოგიურად, უკრაინაში ჩასვლაზე უარი განაცხადა გერმანიის პრეზიდენტმა იოახიმ გაუკმა. ასეთი ნაბიჯით მან უკრაინის ექს-პრემიერის, იულია ტიმოშენკოზე ფიზიკური ძალადობის ფაქტი გააპროტესტა. მისი მთავრობის წარმომადგენელმა - შტეფან ზაიბერგმა კი განაცხადა, რომ „სისხლის სამართლის ნორმები არ შეიძლება დაირღვეს იმ მიზნით, რომ დემოკრატია შეიზღუდოს და ოპოზიციის ბლოკირება მოხდეს.“

internet.ge