ესპანეთის სამეფოს დეპუტატთა კონგრესის საგარეო ურთიერთობათა კომიტეტის თავმჯდომარის, ჯუზეპ ანტონი დურან ი ლეიდას შეფასებით, განხორციელებული პოლიტიკური, ეკონომიკური და სოციალური რეფორმების თვალსაზრისით, საქართველო რეგიონში ლიდერია.
როგორც საქართველოს პარლამენტში სტუმრობისას, ჟურნალისტებს ლეიდამ განუცხადა, ქვეყანაში გატარებული რეფორმები ევროპულ და ევროატლანტიკურ სტრუქტურებში ინტეგრაციის პროცესის ხელშემწყობი ფაქტორია.
მისი თქმით, ესპანეთი საქართველოს ტერიტორიული მთლიანობას მხარს უჭერს და რუსეთის მიერ განხორციელებულ ოკუპაციას გმობს.
„ევროპული და დასავლური ოჯახისაკენ თქვენს სწრაფვას ვაფასებ და იმედი მაქვს, რომ ჩიკაგოს სამიტზე დაფიქსირდება, რომ საქართველო აღებულ ვალდებულებებს კარგად ასრულებს, რაც მომავალისთვის კიდევ ერთი გადადგმული ნაბიჯი უნდა იყოს ნატო-ს სრულუფლებიანი წევრობისთვის. საქართველო, ქრისტიანული და ევროპული სამყაროს ნაწილია და შეიძლება მალე არა, მაგრამ იმედი გვაქვს, ყველა ვიზეიმებთ, იმ დღეს, როდესაც, საქართველო ევროკავშირში გაწევრიანდება“, – დასძინა მან.
internet.ge
