განძის მაძიებელი, ამერიკელი ბილ უორენი აცხადებს, რომ იცის სად არის ბენ ლადენის საფლავი. ის ამტკიცებს, რომ „ალ-ქაედას“ ლიდერის ცხედარი ოკეანეშია, - იუწყება „The Daily Mail“.

უორენი, რომელიც ღია ზღვაში განძის ძიების სპეციალისტადაა ცნობილი ამბობს, რომ ბენ ლადენის ცხედარს სურატიდან (ინდოეთი) 200 მილის დაშორებით, ზღვის ფსკერზე მიაგნო.

ახლა განძის მაძიებელი ექსპედიციისთვის 200 ათასი დოლარის შეგროვებას იწყებს და უკვე ივნისში ბენ ლადენის ცხედრის საძებნად მიემგზავრება. ის ამტკიცებს, რომ გვამი ტვირთით იყო დამძიმებული და ამიტომ, მისი ადგილმდებარეობა არ შეიცვლებოდა. უორენის თქმით, მან ტერორისტის ცხედარს პენტაგონის ინფორმატორის მიერ მოწოდებული, თანამგზავრიდან გადაღებული სურათებით მიაგნო.