ფაშიზმზე გამარჯვების 67-ე წლისთავის აღსანიშნავად, ვაკის პარკში, უცნობი ჯარისკაცის საფლავთან ვეტერანები შეიკრიბნენ.

მათთან ერთად ვაკის პარკში პოლიტიკოსები და მოქალაქეები იმყოფებიან.

9 მაისი ფაშიზმზე გამარჯვების დღეა. პოსტსაბჭოთა სივრცის ზოგიერთ სახელმწიფოში, მათ შორის საქართველოში, ეს დღე, მეორე მსოფლიო ომში ფაშისტურ გერმანიაზე გამარჯვების გამო აღინიშნება.

1945 წლის 8 მაისს, კარლჰორსტში, ფაშისტური გერმანიის გენერალ-ფელდმარშალმა ვილჰელმ კაიტეკმა  უსიტყვო კაპიტულაციას მოაწერა ხალი. ხოლო 9 მაისს, საბჭოთა ჯარებმა გაათავისუფლეს ქალაქი პრაღა. ამის შემდეგ, სწორედ ამ დღეს აღინიშნება  დიდი სამამულო ომის დასრულება.

8 და 9 მაისი გაერო-ს გენერალურმა ასამბლეამ მეორე მსოფლიო ომის მსხვერპლთა ხსოვნის თარიღად 2004 წელს დააწესა.

1945 წლის 9 მაისს მოსკოვში, წითელ მოედანზე, გაიმართა გამარჯვების აღსანიშნავი სამხედრო აღლუმი. 9 მაისი დღესასწაულად გამოცხადდა 1945 წლის 8 მაისს, სსრ კავშირის უმაღლესი საბჭოს პრეზიდიუმის ბრძანებულებით, ხოლო უქმე დღედ - 1965 წლის 26 აპრილს.

internet.ge