პარლამენტის საქმის წარმოების დეპარტამენტის უფროსის, ხათუნა უზნაძის განცხადებით, პარლამენტის შენობაში ინციდენტი მაშინ მოხდა, როცა მოქალაქე გიორგი ჩიხლაძემ საკუთარ დოკუმენტებს ბენზინი გადაასხა და  მოქალაქეთა მისაღებ ოთახში შეაგდო.

უზნაძის ინფორმაციით, ცეცხლი თავდაპირველად მაგიდას მოედო, რომლის ჩაქრობაც მალევე მოხერხდა.

რაც შეეხება ჩიხლაძის გაღიზიანების მიზეზს, უზნაძის განცხადებით, მან გასული წლის დეკემბერში პარლამენტის კანცელარიაში განცხადება ჩააბარა, სადაც ის ოპერაციების დაფინანსებას მოითხოვდა. ეს განცხადება კი, ჯანდაცვის სამინისტროს უკვე გადაგზავნილი აქვს.

„ცეცხლწაკიდებული დოკუმენტები ოთახში შემოაგდო და გვითხრა თქვენ უნდა დაიწვათო“,-დასძინა ხათუნა უზნაძემ.

ჟურნალისტებმა ჩიხლაძის კომენტარის ჩაწერაც მოახერხეს.

მისი მტკიცებით, ის შვიდი წელი ციხეში უდანაშუალოდ იყო, რის გამოც ჯანმრთელობაზე პრობლემები შეექმნა. ჩიხლაძე ითხოვს, პროკურატურამ მისი საქმე ხელალხა შეისწავლოს და ოპერაციების დაფინანსებაც მოხდეს. 

Internet.ge