დღეს დილით, 5,8-ბალიანი მიწისძვრა მოხდა ბულგარეთის დასავლეთ ნაწილში, სოფიასთან ახლოს. მიწისძვრის ეპიცენტრი ქალაქ პერნიკსა და რადომირს შორის დაფიქსირდა.

მნიშვნელოვანი ნგრევისა და დაზარალებულების შესახებ ინფორმაცია ჯერ-ჯერობით არ ვრცელდება, თუმცა  ქალაქ პერნიკში რამდენიმე ნაგებობას კედლები ჩამოენგრა.

ბულგარეთის სეისმოლოგიური ცენტრის მონაცემებით, ძირითადი მიწისძვრის შემდეგ მომხდარი ე.წ. აფთერშოკის სიმძლავრე, რომელიც ისევ სოფიასთან ახლოს მოხდა, 4,9-ბალიანი იყო.

მიწისძვრის შემდეგ, უამრავმა ადამიანმა დატოვა საცხოვრებელი და ამ მომენტშიც ქუჩაში ყოფნას ამჯობინებენ. ზოგიერთ რაიონებში შეწყვეტილია ელექტროენერგიის მიწოდება.

Internet.ge