გამოცდების ეროვნული ცენტრის ხელმძღვანელის გათავისუფლებასთან დაკავშირებით ერთ-ერთი ინტერნეტ პორტალი ავრცელებს ინფორმაციას, რომ განათლების სამინისტროში მობილიზებული იყვნენ ძალოვანი სამინისტროს თანამშრომლები.

მობილიზაციის მიზეზი კი გახლდათ განათლების სამინისტროს გენერალური ინსპექციის უფროსის მიერ დადებული დასკვნა, რომლის თანახმადაც გამოცდების ეროვნული ცენტრის ხელმძღვანელი, მაია მიმინოშვილი, ივლისში, მასწავლებელთა სასერტიფიკაციო გამოცდებზე აპირებდა მასწავლებლების მასიურად ჩაჭრას, რითაც გამოიწვევდა მათ უკმაყოფილებას სამინისტროში მიმდინარე რეფორმების მიმართ.

აღნიშნული ინფორმაცია „ინტერნეტ.ჯი“-ს არ დაუდასტურეს არც გამოცდების ეროვნული ცენტრის პრესსამსახურში და არც განათლების სამინისტროს საზოგადოებასთან ურთიერთობის სამსახურში.

განათლების სამინისტროს პრესმდივანი ნინო პოტრჟებსკაია აცხადებს, რომ ეს ინფორმაცია ტყუილია და არ სინამდვილეს შეესაბამება. 

„დილიდან სამსახურში ვარ და აქ არც ძალოვანი უწყების თანამშრომლები ყოფილან და არც არავის მიერ დადებული დასკვნა წამიკითხავს. მეცოდინებოდა აუცილებლად. სრული სიცრუეა ეს ინფორმაცია“ - განაცხადა პროტრჟებსკაიამ.

ინფორმაციას არ ადასტურებს გამოცდების ეროვნული ცენტრის პრესსამსახური - მაია გაბუნია.

„ძალიან სულელი უნდა იყოს ადამიანი, რომ ეს დაწეროს და შემდეგ დაიჯერო. მსგავსი ინფორმაცია არ გამიგია და საერთოდ სისულელედ მიმაჩნია ამ თემაზე კომენტარის გაკეთებაც კი. მესმის, რომ თქვენი მოვალეობაა გადაამოწმოთ ინფორმაცია, მაგრამ მე გეუბნებით, რომ ეს სიმართლეს არ შეესაბამება“ - განაცხადა მაია გაბუნიამ.

internet.ge