ფრაქცია _ “ერთობა სამართლიანობისთვის” წევრებმა, პროტესტის ნიშნად, სამთავრობო საათი დატოვეს.
პარლამენტის დღევანდელ სხდომაზე, ოპოზიციის უკმაყოფილება იმ ფაქტმა გამოიწვია, რომ პარლამენტში, შინაგან საქმეთა მინისტრ ვანო მერაბიშვლის ნაცვლად, ეკა ზღულაძე მივიდა.
როგორც სხდომაზე, ფრაქციის თავმჯდომარე, დიმიტრი ლორთქიფანიძემ განაცხადა, კითხვები, რომლებიც მათ სამთავრობო საათისთვის მინისტრებს გაუგზავნეს, აინტერესებს არა მხოლოდ მის ფრაქციას, არამედ მთელ საზოგადოებას.
“ჩვენ ამ შოუს, რისთვისაც ეს ეკრანი მოამზადეთ, არ დავესწრებით. დარბაზს ვტოვებთ და მომავალი სამთავრობო საათისთვის, დღესვე შევიტანთ განაცხადს”, - დასძინა მან.
ლორთქიფანიძეს სხდომის წამყვანი ვიცე-სპიკერი, გიგი წერეთელი გამოეხმაურა და ლორთქიფანიძის განცხადებას, “მასკარადის ნაწილი” უწოდა.
Internet.ge
