გურჯაანის რაიონულ სასამართლოში დღეს, გაზეთ „კახეთის ხმის“ ჟურნალისტის, სოფო ნიკოლაშვილის სასამართლო პროცესი გაიმართება.

დაკავებულ ჟურნალისტს ბრალი განზრახ მკვლელობის მცდელობისა და იარაღის უკანონოდ ტარების ბრალდებით აქვს წაყენებული.

აღნიშნულ საქმეზე წინასასამართლო სხდომა 9 მარტს გაიმართა, სადაც ადვოკატმა ბრალდებული მხარის მიერ წარმოდგენილი მტკიცებულებების შესწავლა მოითხოვა.

დღეს კი, მთავარი სასამართლო სხდომა 13:00 საათზეა დანიშნული.

შეგახსენებთ, რომ 20 წლის ჟურნალისტი სოფო ნიკოლაშვილი 31 იანვარს დააკავეს. მას ბრალი შსს კახეთის სამხარეო მთავარი სამმართველოს ინსპექტორ-გამომძიებელ, გიორგი სიბაშვილის განზრახ მკვლელობის მცდელობასა და იარაღის უკანონოდ ტარებაში ედება. 

Internet.ge