საინფორმაციო ანალიტიკურმა პორტალმა "პრესა.ჯი"-მ მუშაობა განაახლა. 10 საათიანი შეზღუდვის შემდეგ სპეციალისტებმა აღნიშნული ვებ-გვერდის სრულფასოვნად ამუშავება შეძლეს.

"დრონი.ჯი"-სა და "პრესა.ჯი"-ზე გუშინ, დაახლოებით 16:00 საათზე, ჰაკერული თავდასხმა განხორციელდა.

სწორედ ამ დროიდან მუშაობდნენ ტექნიკური თანამშრომლები ვებ-გვერდების აღდგენაზე.

სპეციალისტების განცხადებით, ეს იყო საკმაოდ მძლავრი ჰაკერული შეტევა, რომელმაც სერვერის დაზიანება გამოიწვია, თუმცა ამ დროისთვის „კავკასიის ინტერნეტ მედია ჯგუფის“ საკუთრებაში არსებული საინფორმაციო პორტალები შეუზღუდავ რეჟიმში ფუნქციონირებენ.

Internet.ge