ზურა ტარყაშვილის მკვლელობის საქმის განხილვა ნაფიც მსაჯულთა სასამართლოზე კვლავ მიმდინარეობს. 

ბრალდებულის ადვოკატი პარადოქსული მოთხოვნებით გამოდის, ჯერ იყო და გელა ნიკოლეიშვილმა მოსამართლეს მოსთხოვა ჟურნალისტებისთვის პროცესის გაშუქება აეკრძალა, ახლა კი მან განაცხადა, რომ საქმეში მონაწილე მეორე ადვოკატმა - თეიმურაზ მაგრაქველიძემ, საქმის მასალების ნაწილი დაკარგა და მის გადაცემას მოსამართლისგან ითხოვს.

ზურა ტარყაშვილის მკვლელობა მესამე საქმეა, რომელსაც ნაფიც მსაჯულთა სასამართლო განიხილავს. 12 მსაჯული გადაწყვეტს დავით რუსიშვილის ბრალეულობას ზურა ტარყაშვილის მკვლელობაში, რომელიც გასული წლის 17 ოქტომბერს, თბილისში, რუსთაველის გამზირზე, შეიარაღებული კრიმინალური ჯგუფის მიერ განხორციელდა.

internet.ge