ბაქო-თბილისი-ყარსის სარკინიგზო ხაზი ექსპლუატაციაში მიმდინარე წლის ბოლომდე შევა. ამის შესახებ განცხადება აზერბაიჯანის ტრანსპორტის მინისტრის მოადგილემ მუსა პანახოვმა გააკეთა - იუწყება „კავკაზ ონლაინი“.

პანახოვის თქმით, სარკინიგზო ხაზის ინტენსიური მშენებლობა ამ დროისათვის საქართველოს მონაკვეთზე მიმდინარეობს, ხოლო წლის ბოლოსთვის საქართველო-თურქეთის საზღვრამდე გამავალი სარკინიგზო ხაზის რეაბილიტაციაც დასრულდება.

აზერბაიჯანის ტრანსპორტის სამინისტროს წარმომადგენლის თქმით, მცირედ შეფერხებას ადგილი  საქართველო-თურქეთის საზღვარზე გვირაბში მუშაობისას ჰქონდა. ამ გვირაბის სიგრძე 4,5 კილომეტრია. პახანოვის განცხადებით, ბაქო-თბილისი-ყარსის სარკინიგზო ხაზი ამ სამუშაოების დასრულებისთანავე ამოქმედდება.

internet.ge