იტალიის რესპუბლიკის სენატის ევროკავშირის პოლიტიკის კომისიის წევრები საქართველოში, ოფიციალური ვიზიტის ფარგლებში, დღეს, ქართველ დეპუტატებს შეხვდებიან.

როგორც ‘’ინტერნეტ.ჯი"-ს პარლამენტის პრესსამსახურიდან აცნობეს, დელეგაციის წევრები დღეს, ევროპასთან ინტეგრაციის კომიტეტის თავმჯდომარე, დავით დარჩიაშვილს შეხვდებიან, დღის მეორე ნახევარში კი, მათ პარლამენტის თავმჯდომარე, დავით ბაქრაძე უმასპინძლებს.

ამას გარდა, დელეგაციის წევრები შეხვდებიან - სახელმწიფო მინისტრს რეინტეგრაციის საკითხებში, ეკა ტყეშელაშვილსა და ვიცე-პრემიერ მინისტრ, გიორგი ბარამიძეს.

იტალიელი სტუმრები საქართველოს 12 ივნისს დატოვებენ.

Internet.ge