„ლეიბორისტული პარტიის“ პოლიტიკური კომიტეტი სპეციალურ განცხადებას დღეს მეტეხის მიმდებარე ტერიტორიაზე გააკეთებს.

შესაბამისად, შალვა ნათელაშვილი მოსახლეობისთვის აქტუალურ შეკითხვებზე პასუხს  სწორედ მეტეხთან გასცემს.

რამდენიმე დღეა ვრცელდება ინფორმაცია ‘’ლეიბორისტული პარტიის" ლიდერ შალვა ნათელაშვილის პოლიტიკიდან წასვლის შესახებ.

მიზეზებზე არავინ საუბრობს, თავად ნათელაშვილი კომენტარს არ აკეთებს, ამ ინფორმაციას არც ადასტურებენ და არც უარყოფენ მისი პარტიის წევრები.

‘’ლეიბორისტების ლიდერი" კითხვებს სოციალურ ქსელში იღებს, შალვა ნათელაშვილმა ფეისბუქის საკუთარ გვერდზე დაწერა, რომ დღეს, მეტეხის ეზოში, 13:00 საათზე გაკეთდება ძალიან მნიშვნელოვანი განცხადება ‘’ლეიბორისტების" მიერ.

Internet.ge