საქართველოს მთავარ პროკურატურაში დავით საყვარელიძის შესაძლო შემცველის შესახებ ინფორმაციას არ ფლობენ.

როგორც „ინტერნეტ.ჯი“-ს პროკურატურის საზოგადოებასთან ურთიერთობის ხელმძღვანელმა ხათუნა იოსავამ განუცხადა, მთავარი პროკურორის პირველი მოაგილის ადგილი ამ დროისთვის ვაკანტურია.

ამასთან, პრესსამსახურის უფროსის ინფორმაციით, საყვარელიძემ თანამდებობა საკუთარი სურვილით დატოვა.

სააგენტოს კითხვაზე, სად წავა მთავარი პროკურორის ექს- მოადგილე იოსავა ამბობს, რომ მისი ინფორმაციით დავით საყვარელიძე აქტიურ პოლიტიკურ ცხოვრებას იწყებს. თუმცა კონკრეტულად რა პოზიციას დაიკავებს ყოფილი მაღალჩინოსანი, პრესსამსახური არ აკონკრეტებს.

საყვარელიძის გადადგომის შესახებ განცხადება დღეს დაკმაყოფილდა.

Internet.ge