თურქეთში სირიის მეგობრების
შეხვედრა იმართება. უკვე სტამბულში იმყოფება რამდენიმე ქვეყნის დელეგაცია, რის გამოც, ქალაქში გაძლიერებულია უსაფრთხოების ზომები. ქუჩებში ასობით სამართალდამცველი
პატრულირებს.
სტამბულში უკვე ჩავიდა ჰილარი კლინტონი. ამერიკის
შეერთებული შტატების სახელმწიფო მდივანი თურქეთის საგარეო საქმეთა მინისტრს შეხვდა.
სტამბულში კლინტონი ირანიდან
ჩავიდა, სადაც მან რაკეტსაწინააღმდეგო თავდაცვითი კიდევ ერთი რეგიონული სისტემის შექმნის
ინიციატივა წამოაყენა. ელ რიადში უსაფრთხოების ფორუმზე სიტყვით გამოსვლის დროს შეერთებული
შტატების სახელმწიფო მდივანმა აღნიშნა, რომ თავდაცვითი სისტემის ელემენტები სპარსეთის
ყურის ქვეყნებში უნდა განლაგდეს.
"შეერთებული შტატები მზად
არის გადადგას პრაქტიკული და კონკრეტული ნაბიჯები ჩვენი საერთო უსაფრთხოების გასაძლიერებლად",
– განაცხადა ჰილარი კლინტონმა.
Internet.ge
